Elordada medıtsınalyq maskany qaıdan satyp alýǵa bolady
NUR-SULTAN. QazAqparat – Elorda ákimdigi qalaǵa 350 myń medıtsınalyq maska jetkizilgenin jarııalady, dep habarlaıdy QazAqparat.
Áıtse de dárihanalar ár adamǵa bes maskadan satyp jatyr. Ákimdiktiń málimetine sáıkes medıtsınalyq maskalardy Salamat Z, Immýno plıýs, Staryı lekar, UDM - KZ, Fenıks, Bazıkova, Chastnaıa Apteka 99, Farmakom, Gıppokrat MFK Astana, Járdem kompanııa, Astana Onık, Alsýn Astana, Aidamed, Maksıma farm, Isakova A.A, Orken farm, Stofarm, Evrofarma dárihanalar jelisinen tabýǵa bolady.
«Eń basty mindet – iri jelilerdi maskalarmen jáne antıseptıktermen qamtamasyz etý. 16 naýryz kúni maskalardyń kezekti partııasy – 350 myń daansy jetkizildi. Sonymen qatar antıseptıkter de ákelindi. Bul jumysty «Farmatsııa» ÁK-men birge júrgizemiz. Ókinishke qaraı naryqtaǵy suranysty paıdalanyp, keıbireýler baǵany kótere bastady. Qazir birlikte jumylǵan jumysty kórsete bilýimiz kerek. Tek yntymaqta ǵana osy keseldi jeńe alamyz», - dedi elorda ákimi Altaı Kólginov dárihanalar jelisiniń ókilderi men dıstrıbıýtermen kezdesken kezde.
Aıta ketsek osydan eki kún buryn Nur-Sultan qalasynyń taýarlar men qyzmetterdiń sapasy men qaýipsizdigin baqylaý departamentiniń basshysy Zeken Isakov elordadaǵy maska tapshylyǵy týraly aıtyp bergen bolatyn.
