Elordada medıtsına salasyna jańa reanımobılderdi tabystaý rásimi ótti
ASTANA. 9 jeltoqsan. QazAqparat - Elordada Jedel medıtsınalyq járdem ǵylymı ortalyǵynyń bazasynda Tótenshe jaǵdaılar mınıstri Vladımır Bojko men Densaýlyq saqtaý mınıstri Salıdat Qaıyrbekovanyń
qatysýymen jańa medıtsınalyq qutqarý reanımobılderdiń kiltterin saltanatty túrde tabystaý rásimi ótti, dep habarlaıdy, Densaýlyq saqtaý mınıstrliginiń baspasóz qyzmeti.
Memleket basshysy N.Nazarbaevtyń «Bolashaqtyń irgesin birge qalaımyz!» atty Qazaqstan halqyna Joldaýynda atap kórsetilgen tapsyrmasyna, sondaı-aq «Qazaqstan Respýblıkasyndaǵy densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasyna sáıkes, Densaýlyq saqtaý mınıstrligi men Tótenshe jaǵdaılar mınıstrligine qurý júktelgen trassalyq medıtsınalyq qutqarý tirekteri osyndaı reanımobıldermen jabdyqtalatyn bolady.
Mersedes-Benz Sprinter avtokóligi bazasynda jasalǵan reanımobılder arnaıy tapsyryspen Germanııanyń Lıngen qalasyndaǵy zaýyttan shyǵarylǵan. Bul reanımobılder jıyntyǵy jaǵynan biregeı kólik dep aıtýǵa bolady. Reanımobıl qýatty benzın qozǵaltqyshymen jabdyqtalǵan, bıik tóbesi bar tutasmetaldy fýrgonnan turady. Bul medıtsınalyq qyzmetkerlerge salon ishinde reanımatsııalyq sharalar ótkizý kezinde turyp kómek kórsetýge, uzartylǵan (8 metrge jýyq) bazasy 5-7 zardap shegýshini tasymaldaýǵa múmkindik beredi.
Reanımobıldiń qajetti apattyq-qutqarý jabdyǵy - zardap shegýshilerdi avtokólikten shyǵaryp alý jumystaryn jasaýǵa múmkindik beretin arnaıy jeke bóligi bar. Sondaı-aq shuǵyl medıtsınalyq kómek kórsetýge qajetti zamanaýı medıtsınalyq jabdyq pen medıtsınalyq quraldarmen jabdyqtalǵan. Barlyq reanımatsııalyq jabdyqtardy jetekshi eýropalyq óndirýshiler usynǵan. Reanımobıl medıtsınalyq jáne qutqarý jabdyǵynan bólek, uıaly baılanys operatorlary qyzmet kórsetý aıasynan tys bolatyn aýmaqpen baılanysýǵa múmkindik beretin spýtnıktik telefon bar.
Jalpy, qoǵamdyq densaýlyqty saqtaý máseleleri boıynsha sektoraralyq jáne vedomstvoralyq ózara árekettestik tıimdiligin arttyrý sheńberinde «Densaýlyq», «Járdem» jáne «Salamatty Qazaqstan» 3 poıyzy júrgizildi. 110 stansa turǵyndaryna 260 myńnan astam emdeý-dıagnostıkalyq qyzmet kórsetildi. 48 myńnan astam adam, sonyń ishinde 14 myńǵa jýyq bala tekserildi.
Sanıtarlyq avıatsııa boıynsha Respýblıkalyq úılestirý ortalyǵy quryldy. 2011 jyldyń shilde aıynan beri 200-den astam ushý júzege asyryldy. 6 tikushaqty, sonyń ishinde 2 - Ka-32 A11VS jáne 4 - «Eýrokopter ES-145» tikushaǵyn jetkizý jóninde kelisimder jasaldy.
