Elordada medıtsına qyzmetkerlerin 2 komponentpen vaktsınalaý bastaldy
NUR-SULTAN. QazAqparat – Elordada medıtsına qyzmetkerlerin 2 komponentpen vaktsınalaý bastaldy. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtyp berdi, dep habarlaıdy QazAqparat tilshisi.
«Memleket basshysynyń tapsyrmasymen 1 aqpannan bastap medıtsına qyzmetkerlerin erikti vaktsınalaý naýqany bastaldy. 2021 jyldyń 22 aqpanyndaǵy jaǵdaı boıynsha 2008 medıtsına qyzmetkerine vaktsına egildi. Onyń ishinde jedel járdem stantsııasy qyzmetkerleri – 63, alǵashqy medıtsınalyq kómek uıymdarynyń qyzmetkerleri – 1018, ınfektsııalyq statsıonarlar – 161, reanımatsııa bólimsheleriniń medıtsına qyzmetkerleri – 222, SEK jáne USO mamandary – 42, qalalyq statsıonarlar – 383, prezıdent isi basqarmasy qyzmetkerleri – 111 jáne QDS mamandary – 8. Búgingi kúnnen bastap medıtsına qyzmetkerlerin 2 komponentpen vaktsınalaý bastaldy», - dedi S. Beısenova Nur-Sultan qalasynyń ákimdigi uıymdastyrǵan onlaın-brıfıngte.
Aıta keteıik, Nur-Sultanda aqpan aıynyń basynan beri 2192 vırýs juqtyrý jaǵdaıy tirkelgen.
Nur-Sultanda koronavırýspen aýyrǵandardyń negizgi úlesi 30-39 jasta.
Qazirgi ýaqytta elordada 21 mektepte karantın jalǵasýda.
Al elordalyqtar mamyr aıynda ekpe ala alady.
