Elordada maska taǵý rejımin qatań saqtaý kerek - Sáýle Qısyqova
NUR-SULTAN. QazAqparat – Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova elorda turǵyndaryn maska taǵý rejımin saqtaýǵa shaqyrdy, dep habarlaıdy QazAqparat tilshisi.
«Tótenshe jaǵdaı rejımi toqtasa da, qalada karantındik sharalar saqtalyp otyr. Karantındik sharalardy alyp tastaý kezeńderi qalada ár jeti kún saıyn aýrýǵa shaldyǵýdyń azaıýyna qaraı aıqyndalady. Karantındi alyp tastaýdyń naqty datasyn qala turǵyndary ózderi anyqtaıtynyn atap ótken jón. Osy oraıda shahar turǵyndary negizgi bazalyq talaptardy ustanýy kerek, ıaǵnı ınfektsııanyń taralýyna tosqaýyl bolatyn erejelerdi qatań saqtaý qajet», - dedi S. Qısyqova onlaın baspasóz máslıhatynda.
Onyń atap ótýinshe, keıbir elderde ınfektsııa oshaqtary qaıtadan shyǵýda. Osynyń saldarynan qaıtadan karantın rejımin kúsheıtý sharalary júrip jatyr.
«Vırýs adamnan adamǵa qalaı juǵatynyn taǵy de eske salyp ótkim keledi. Eger ara qashyqtyq eki metrden az bolsa, adam túshkirse nemese jótelse, sondaı-aq adamnyń qoly kózge, aýyzǵa jáne murynǵa tıip ketse, ınfektsııa taralady. Sondyqtan qatań túrde maska taǵý rejımin saqtaý - eń senimdi qorǵanys», - dedi Sáýle Qısyqova.
