Elordada maska kıgender shaǵyn nesıe uıymyna shabýyl jasady
ASTANA. QazAqparat - Elordalyq polıtseıler shaǵyn nesıe uıymyna qaraqshylyq shabýyl jasaǵan kúdiktilerdi izin sýytpaı tapty, dep habarlaıdy «QazAqparat» HAA Astana ІІD baspasóz qyzmetine silteme jasap.
«29 jeltoqsan kúni 19:00 shamasynda Bógenbaı batyr dańǵylynda ornalasqan shaǵyn nesıe uıymdarynyń birine medıtsınalyq maska kıgen eki adam basa kóktep kirgen. Olar pyshaqpen jáne qarýǵa uqsaıtyn zatpen qoqan-loqqy jasap, kassadan 500 myń teńgedeı aqshany qoldy qylǵan. Osy fakti sotqa deıingi tergep-tekserý tizilimine QR Qylmystyq kodeksiniń 192-babymen («Qaraqshylyq») tirkeldi», - deıdi Astana ІІD-degiler.
Azamattardyń jáne beınebaqylaý kameralarynyń kómegimen polıtsııa qalanyń 23 jáne 25 jastaǵy eki turǵynyn ustady. Olardan pnevmatıkalyq qarý men 428 500 teńge aqsha tárkilendi.
Qaraqshylar asyǵys qasha júrip, urlaǵan aqshasynyń bir bóligin túsirip te alady. Ony qaıyrymdy qalanyń turǵyndary keńsege ákelip bergen.
Kúdiktiler tergeý barysynda óz aıybyn moınyna aldy. Olar Astana ІІD ýaqytsha ustaý oqshaýlaǵyshyna jiberildi. Tergep-tekserý júrgizilip jatyr.
