Elordada masany joıý jumystary júrip jatyr
NUR-SULTAN. QazAqparat - Nur-Sultanda dezınsektsııa jáne deratızatsııa jumystary júrgizilýde, dep habarlaıdy QazAqparat elorda ákimdigine silteme jasap.
Qalanyń aýmaǵyn óńdeý jumystary sáýir men qyrkúıek aılarynyń aralyǵynda kezeń-kezeńimen júrgiziletin bolady.
Almaty aýdanynda ashyq jáne jabyq statsııalardy óńdeý 16 sáýirde bastaldy. Qyzmet kórsetetin uıymdar kóppáterli turǵyn úı qorynyń jertóle úı-jaılaryn óńdeý jáne sharttar jasasý boıynsha belsendi jumys júrgizýde. Búgingi tańda taıaz sý qoımalaryn óńdeýdiń 1-kezeńi aıaqtalyp, 3455 gektar ashyq alań óńdeldi. Sary masalar kóbeıetin negizgi oryndardyń biri aramshóp bolyp tabylady. Aǵymdaǵy jyly 80 gektar alqapta ósimdikterdi shabý josparlanǵan. Deratızatsııa jumystary 6987 jeke úıde júrgiziledi.
Baıqońyr aýdanynyń aýmaǵynda dezınsektsııalanatyn ashyq statsııalardyń alańy 2399 gektardy quraıdy. 16 sáýirde ashyq jáne jabyq alańdardy óńdeý jumystary bastaldy. Qyzmet kórsetetin uıymdar kóppáterli turǵyn úı qorynyń jertóle úı-jaılaryn óńdeý jáne sharttar jasasý boıynsha belsendi jumys júrgizýde. 111 PIK-ten 104 qyzmet kórsetý uıymy (95%) deratızatsııa shartyn jasasty.
Esil aýdanynyń ákimdigi de ashyq statsııalarda, masalar men shirkeılerge qarsy taıaz sý qoımalaryn óńdeý jumystaryn júrgizýde. Bul aýdanda barlyǵy 8 714,45 gektar ashyq alańda deratızatsııa men dezınsektsııa jasalýy tıis. Aýdanda dezınsektsııa jóninde 63 PIK-pen shart jasalyp, 41 PIK óńdeldi. Sonymen qatar Esil aýdanynda shóp shabý jumystary josparlanǵan.
Saryarqa aýdanynda 24 sáýirden 1 mamyrǵa deıin 121,5 gektar aýmaqta masanyń dernásildik nysandarynan sý qoımalaryn óńdeý jumystary júrgizildi. 8 mamyrda qosymsha 30 sý qoımasy óńdeldi. Búgingi tańda josparlanǵan 12 alańnyń 3 sharshy metri óńdeldi. Olardyń ishinde: Jeńis, Bógenbaı, Respýblıka dańǵyldary jáne Esil ózeniniń jaǵalaýy (Beıbitshilik, Seıfýllın, Jangeldın, Omarov, Kenesary kósheleri, Abaı dańǵyly, eski jáne jańa alań, «Redısson» qonaqúıi, aýdandyq ákimdik, qalalyq ákimdik jáne t.b); Bógenbaı, Saryarqa dańǵyldary, Sarybulaq bulaǵy men Esil ózeni jaǵalaýynyń boıynda (Abaı dańǵyly, Kúmisbekov, Seıfýllın, Almaty, Kýbrın, Jdanov, Şers, Jambyl kósheleri, garajdar jáne t.b); «Kóktal 2» turǵyn alaby (№68 mektep aýmaǵy, sonymen qatar Naýryz, Qusmuryn, Moıyldy, Qaınar kósheleri) bar.
