Elordada masany dezınsektsııalaý eki aýysymda júrgizilip jatyr
NUR-SULTAN. QazAqparat - Elordada kún saıyn masa jáne basqa da jándikterge qarsy dezınsektsııalyq jumys eki aýysymda júrgizilip jatyr, dep habarlaıdy QazAqparat qala ákimdigine silteme jasap.
Bıyl aýmaqty masaǵa qarsy dárileý jospary 20%-ǵa, sý qoımalaryn óńdeý 25%-ke artty.
«Aýmaqty óńdeý rotorly búrikkishtermen de, mashınalarmen de júrgiziledi. Barlyq aýdandardy qamtyp jatyrmyz. Birinshi kezekte sý qoımalary, jertóle óńdeledi. Qala ishin óńdeýge kiristik. Jumys kún saıyn júrgiziledi», - dep atap ótti mamandar.
Sý qoımalaryn, qalanyń kvartalishilik aýmaqtaryn jáne jalpy kóshe, saıabaq, skverlerdi óńdeýge erekshe kóńil bólinedi.
Masamen kúres tıimdi bolýy úshin turǵyn úılerdiń jertólesn, mektep pen balabaqsha aýmaqtaryn, densaýlyq saqtaý, mádenıet jáne sport nysandaryn, bazarlardy, saýda úılerin jáne t.b. zalarsyzdandyrý kerek.
