Elordada masaǵa qarsy dezınsektsııalaý eki aýysymda júrip jatyr
NUR-SULTAN. QazAqparat - Nur-Sultan qalasynda masa jáne basqa jándikterge qarsy keń aýqymdy dezınsektsııa jumystary eki aýysymda júrgizilip jatyr, dep habarlaıdy QazAqparat qala ákimdigine silteme jasap.
Mamandar birneshe baǵytty qamtydy. Olar sý qoımasy men jertólelerdi óńdep jatyr. Jumysqa 150-den astam adam tartylyp, ondaǵan tehnıka jumyldyryldy.
«Masa kóp shyǵatyn jerlerdi dezınsektsııalaýǵa basa kóńil bólinip otyr. Bul massa jáne shirkeı sanyn azaıtýǵa múmkindik beredi. Dezınsektsııa jumystary kósheler men adam kóp jınalatyn oryndarda bastaldy. Birinshi kezeń aıaqtalǵannan keıin dezınsektsııalyq jumystar qalanyń oramishilik aýmaqtarynda, saıabaqtarda, tynymbaqtarda, kóshelerde júrgiziledi», - dep atap ótti mamandar.
Masamen kúres tıimdi bolýy úshin turǵyn úılerdiń jertólesin, mektep pen balabaqsha aýmaǵyn, densaýlyq saqtaý, mádenıet jáne sport nysandaryn, bazarlardy, saýda úılerin jáne t.b. zalarsyzdandyrý mańyzdy. Bıyl masalardan aýmaqty óńdeý jospary 20%-ǵa, sý qoımalaryn óńdeý 25%-ǵa artty.
