Elordada masaǵa qarsy dezınsektsııa qalaı júrgizilýde
NUR-SULTAN. QazAqparat - Nur-Sultanda shybyn-shirkeı, masa jáne basqa da jándikterge qarsy dezınsektsııa eki aýysymmen júrgizilip jatyr, dep habarlaıdy QazAqparat qala ákimdigine silteme jasap.
Bıyl dezınsektsııa jasalatyn terrıtorııa keńeıgen. Máselen, masadan tazartylatyn aýmaq – 20%, tazartylatyn sý qoımalary 25% ulǵaıdy. Búginge deıin masaǵa qarsy 230 mln sharshy metr aýmaq zalalsyzdandyryldy. Aýqymdy jumysqa entomolog mamandar men dezınsektorlar jumyldyryldy.
«Bir masa orta eseppen 300-400-ge deıin dernásil salady. Dezınsektsııa eki aýysymmen júrip jatyr. Birinshi aýysym – saǵat tańǵy 05.00-den 12.00-ge deıin, al ekinshi aýysym – keshki 20.00-den túngi 02.00-ge deıin. Bizdiń jumysymyz masany túbegeıli joıýdy emes, sanyn azaıtýdy kózdeıdi», – dedi dezınsektor Erkebulan Jalǵas.
Atap ótilgendeı, sý aıdyndaryn tazartýǵa erekshe mán beriledi. Sonymen birge qala ishindegi aýlalar men qoǵamdyq oryndar (kósheler, saıabaqtar men gúlzarlar) zalasyzdandyrylady.
«Taıaz sý aıdyndaryn óndeýdiń ekinshi kezeńin bastadyq. Qazirdiń ózinde 400 gektar tazartyldy. Bul masalardyń dernásil túrinde sý aıdyndarynan ushyp ketýine jol bermeý úshin jasalady», – dedi «Elordalyq dezınfektsııa» JShS-niń Saryarqa aýdany boıynsha meńgerýshisi Antonına Maslova.
Masa men shirkeıge qarsy kúreste mektep, balabaqsha, densaýlyq saqtaý nysandary, saýda úıleri men t.b. jerlerdi der kezinde dezınsektsııalaý mańyzdy. Jumys kún saıyn júrýde.
