Elordada mas júrgizýshiler 8 jylǵa deıin kýálikterinen aıyryldy
NUR-SULTAN. QazAqparat – Ótken demalys kúnderi elordada kólikke mas kúıinde otyrǵan júrgizýshiler quryqtaldy. Sot sheshimimen olarǵa qatysty tıisti jaza taǵaıyndaldy, dep habarlaıdy QazAqparat.
Kún saıyn polıtseıler jol-kólik oqıǵalaryn boldyrmaý maqsatynda mas júrgizishilerdi anyqtaý reıdterin ótkizedi.
«Sátbaev kóshesi boıynda túngi saǵat 2-ler kezinde «Hyundai» markaly avtokóligin toqtatty. 29 jastaǵy qyzdyń káýligin tekserý kezinde kólik salonynan alkogol ıisi sezilgen. Kólik júrgizýshisi medıtsınalyq kýálandyrýdan ótýden bas tarqannan keıin, ol erje talaptaryn buzdy. Osy fakti boıynsha ol polıtsııaǵa jetkizildi», - delingen habarlamada.
Ákimshilik sottyń sheshimimen kólikti mas kúıinde basqarǵany úshin júrgizýshi 15 táýlikke ýaqytsha ustaý ızolıatoryna qamaldy. Sonymen qatar ol 8 jylǵa kólik júrgizý kýáliginen aıyryldy.
Kelesi kúni Araı kóshesinde «VAZ» markaly kóligi toqtatylyp, ony mas kúıinde tizgindegen 38 jastaǵy turǵyn ustaldy. Medıtsınalyq kýálandyrý nátıjesinde jeńil dárejede masaıǵany anyqtaldy. Sot otyrysynda júrgizýshi óz kinásin moıyndady. Sot sheshimimen ol 15 táýlikke qamaýǵa alynyp, 7 jylǵa júrgizýshi kýáliginen aıyryldy.