Elordada mas jolaýshyny uryp-soǵyp, tonap ketken qyrǵyzstandyq taksıst ustaldy
ASTANA. QazAqparat - Elordada mas jolaýshyny uryp-soǵyp, tonap ketken qyrǵyzstandyq taksı júrgizýshisi anyqtaldy, dep habarlaıdy Polisia.kz.
33 jastaǵy er adam Almaty aýdanynyń polıtsııa bólimine aryzdanyp, ony taksı júrgizýshisi tonap ketkenin habarlaǵan.
Tergeý barysynda jolaýshynyń mas kúıinde qalada júrý úshin jeke tasymaldaýshy jaldaǵany anyqtaldy.
Jolda kele jatyp, taksı salonynda ol júrgizýshimen janjaldasyp, ony qorlaı bastaǵan.
Sharbaqty kóshesiniń boıyndaǵy jol jıegine toqtaǵan taksı júrgizýshisi agressıvti jolaýshyny kólikten súırep shyǵaryp, ony uryp-soǵyp, 100 myń teńgeden astam aqshasyn tartyp alǵan.
Jedel-izdestirý sharalary barysynda polıtsııa qyzmetkerleri taksı júrgizýshisiniń qaıda ekenin anyqtady.
Ol Qyrǵyzstannyń 37 jastaǵy azamaty bolyp shyqty.
Qujattardy tekserý kezinde sheteldiktiń kólik quralyn basqarýǵa quqyǵy joq ekeni anyqtaldy.
Atalǵan derek boıynsha sotqa deıingi tergeý amaldary júrgizilip jatyr.
Qyrǵyzstan azamaty kinásin moıyndady, PD ýaqytsha ustaý ızolıatoryna qamaldy.
Qazirgi ýaqytta onyń buryn jasalǵan osyǵan uqsas qylmystarǵa qatysy bar-joǵy tekserilip jatyr.
Astana qalasynyń polıtsııa departamenti azamattardan barynsha saq bolýdy suraıdy.
