Elordada mas jolaýshyny taksıde tonap ketti
Vedomstvo málimetinshe, 38 jastaǵy azamat kúndiz mas kúıde Imanov pen Asan qaıǵy kósheleriniń qıylysynda taksıge otyrǵan. Kólik ornynan qozǵalǵanda salonnyń artynda otyrǵan belgisiz jas jigit jábirlenýshiden qundy zattaryn talap etip, «Samsýng» markaly telefonyn tartyp alǵan. Al ózin Tashenov kóshesi boıynda túsirip ketken. Zardap shegýshi 5 kún ótkennen keıin polıtsııaǵa shaǵymdanǵan.
«Jedel izdeý is-sharalary barysynda 21 jastaǵy kúdikti ustaldy. Ustalǵan adam zardap shegýshiniń telefonyn satyp jibergendikten jańa telefon satyp alyp berýge májbúr boldy. Tonaý faktisi boıynsha qylmystyq is qozǵaldy. Tergeý barysynda jas jigittiń buǵan deıin de elorda aýmaǵynda kisi tonaǵany úshin qylmystyq jaýapqa tartylǵany anyqtaldy. Qazirgi ýaqytta onyń dál osyndaı basqa da qylmystarǵa qatystylyǵy tekserilip jatyr»,- dep atap ótedi departamentten.
