Elordada mas kúıinde kólikti júrgizgen áıel 15 táýlikke qamaldy
NUR-SULTAN. QazAqparat – Qalanyń qyraǵy túrǵyndary kólikti mas kúıinde júrgizgen taǵy bir adamdy ustaýǵa kómektesti, dep habarlaıdy QazAqparat Nur-Sultan qalasynyń Polıtsııa departamentine silteme jasap.
Búgin túnde polıtsııaǵa telefon shalǵan turǵyndar «Toyota RAV4» kóligin júrgizip kele jatqan áıeldiń mas kúıde ekenin habarlady. Kýágerler áıeldiń dámhanadan mas kúıinde shyǵyp, kólikti júrgizip ketkenin baıqaǵan.
Tártip saqshylary 37 jastaǵy áıeldi elordanyń sol jaǵalaýynda, Máńgilik el kóshesinde toqtatty. Qujatty tekserý kezinde ishimdiktiń ıisi múńkip turǵanyna qaramastan, áıel óziniń múldem ishpegenin aıtty.
Medıtsınalyq tekserý áıeldiń kólikti jeńil dárejede mas kúıinde júrgizgenin anyqtady.
Tártip buzýshyǵa qatysty QR Ákimshilik quqybuzýshylyqtar týraly kodeksiniń 608-babynyń 1-tarmaǵy boıynsha ákimshilik óndiris qozǵaldy. Ákimshilik sottyń sheshimimen ol 15 táýlikke qamaýǵa alynyp, kólikti 7 jyl júrgizý quqyǵynan aıyryldy.
11-13 jeltoqsanda elordada kólikti mas kúıinde júrgizgen 28 adam ustaldy, tórt adamnyń júrgizýshi kýáligi bolmaǵan.
