Elordada mas kúıinde kólik júrgizgen qujaty joq boıjetken ustaldy
NUR-SULTAN. QazAqparat - Nur-Sultanda polıtseıler kólikti júrgizýshi kýáliginsiz aıdaǵan mas qyzdy ustady, - dep jazady QazAqparat elordalyq polıtsııa departamentine silteme jasap.
Búgin tańǵy saǵat 06.00 shamasynda polıts ııa qyzmetkerleri Syǵanaq jáne Aqmeshit kósheleriniń qıylysynda patrýldeý kezinde kúdik týdyrǵan «PEUGEOT 206» markaly kólikti baıqaǵan.
Tekserý barysynda 28 jastaǵy qyzdyń mas ekeni anyqtaldy. Júrgizýshi qujattary men júrgizýshi kýáligi joq ekenin moıyndady.
Medıtsınalyq kýálandyrýǵa sáıkes, júrgizýshi kólikti jeńil dárejedegi mas kúıinde basqarǵan. Sonymen qatar 2019 jyldyń maýsym aıynda sot sheshimimen mas kúıinde kólik júrgizgeni úshin 3 jyl merzimge júrgizýshi kýáliginen aıyrylǵany belgili boldy.
Alaıda jazaǵa qaramastan, júrgizýshi mas kúıinde rólge qaıta otyrǵan. Atalǵan fakti boıynsha tártip buzýshy PD ýaqytsha ustaý ızolıatoryna jetkizildi.
Kúdiktige qatysty QR QK 346-baby 1-bóligi boıynsha sotqa deıingi tergeý júrgizilýde. Sot sheshimi boıynsha sotqa deıingi tergep-tekserý júrgizý kezeńinde júrgizýshige 2 aıǵa deıingi merzimge qamaýǵa alyný qaýpi bar.
Nur-Sultan qalasynyń polıtsııa departamenti avtokólik ıelerinen alkogoldik jáne esirtkilik mas kúıinde kólik júrgizbeýin suraıdy.
