Elordada mas kúıinde kólik basqarǵan 35 júrgizýshi anyqtaldy
NUR-SULTAN. QazAqparat - Elordalyq tártip saqshylar eki kúnde kólikti mas kúıinde aıdaǵan 35 júrgizýshini anyqtady, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
«Qalalyq PD Jergilikti polıtsııa qyzmeti basqarmasynyń qyzmetkerleri 2 kúnniń ishinde 900-ge jýyq jol qozǵalysy erejesin buzý faktisin anyqtady. 35 júrgizýshi kólikti mas kúıde júrgizgen. 60-tan astam júrgizýshi qaýipsizdik belgisin taqpaǵan. 300-ge jýyǵy jaıaý júrginshi jol júrisi qaǵıdalaryn buzǵan. 170-ten astam adam jol belgisin nemese joldyń júrý bóligindegi tańbalarda kórsetilgen talapty saqtamaǵan», delingen habarlamada.
Aıta keterligi, 10 aı ishinde tártip saqshylary qalada kólikti mas kúıde júrgizgeni úshin 800-ge jýyq júrgizýshini ákimshilik jaýapkershilikke tartty.
Eske sala ketsek, júrgizýshiniń kólikti alkogol, esirtki paıdalanyp mas kúıde basqarýy, nemese kóligin mas adamnyń basqarýyna bergeni úshin kólikti basqarý quqyǵynan úsh jyldan 10 jylǵa deıingi merzimge aıyrylady.
