Elordada mas adam bótelkelesin pyshaqtady

NUR-SULTAN. QazAqparat – Nur-Sultan qalasynyń «Almaty» aýdandyq Polıtsııa departamenti polıtsııa basqarmasynyń qyzmetkerleri densaýlyqqa aýyr zııan keltirdi degen kúdikpen 47 jastaǵy elorda turǵynyn ustady, dep habarlaıdy QazAqparat Nur-Sultan qalasynyń PD baspasóz qyzmetine silteme jasap.

Baspasóz qyzmetiniń málimetterine qaraǵanda, qalalyq aýrýhanaǵa pyshaq jaraqatyn alǵan elorda turǵyny jetkizilgen.

Іstiń mán-jaıyn anyqtaý barysynda eki adamnyǵ úıde otyryp, spırttik ishimdik ishkeni anyqtaldy. Artynan olardyń arsyna janjal týyp, úı ıesi bótelkelesine birneshe ret pyshaq suǵyp alǵan, sodan keıin jedel járdem shaqyrǵan.

Ózderiniń áreketiniń saldarynan qoryqqan olar polıtsııaǵa «úıge kireberiste beıtanys bireý pyshaq saldy» dep aıtamyz dep kelisken. Alaıda polıtsııa qylmystyq árekettiń betin ashty. Ustalǵan azamat istegen isin moıyndady.

Ol ýaqytsha ustaý ızolıatoryna qamaldy. Atalǵan fakti boıynsha qylmystyq is qozǵaldy.