Elordada marafonǵa baılanysty joldar jabylyp, avtobýs qozǵalysy ózgeredi
ASTANA. QazAqparat – Erteń astanada jyl saıynǵy «Astana Marathon 2022» halyqaralyq marafonynyń ótkizilýine baılanysty joldar jabylyp, avtobýs marshrýttary ózgeredi, dep habarlaıdy QazAqparat.
Marafon ótetin saǵat 07:00 – 13:00 aralyǵynda qala kósheleriniń keıbir ýchaskelerinde kólik qozǵalysy ýaqytsha shekteledi.
Marafon eki baǵyttan turady:
1) 18 jastan asqan qatysýshylar úshin 42,2 kılometr qashyqtyq:
«EKSPO» aýmaǵynan Rysqulov – Qabanbaı batyr – Uly Dala – Nájimedenovke deıin, keıin Uly Dalaǵa keri burylyp, K1 – Ońtústik jáne ońtústik-batys aınalma jol – Qarqaraly – Qabanbaı batyr – Hýseın ben Talal – Qabanbaı batyr – Rysqulov tasjolymen júgiredi. Máre syzyǵy - «EKSPO» aýmaǵy.
2) 16 jastan asqan qatysýshylar úshin 10 kılometr qashyqtyq:
«EKSPO» aýmaǵynan Rysqulov – Qabanbaı batyr kóshesi – «Býdapesht» turǵyn úı kesheni aýdanynda keri burylyp, Qabanbaı batyr – Orynbor – Máńgilik el – Rysqulov tasjolymen júgiredi. Máre - «EKSPO» aýmaǵy.
Sonymen qatar Astanada qala ishinde jáne qala mańyna júretin qoǵamdyq kóliktiń marshrýty ózgeredi: olar - №43, 46, 47, 51, 53, 54, 60, 70, 302, 303, 308, 309, 320, 323.
Jabylatyn joldar syzbasyn myna jerden kórýge bolady.