Elordada Mańǵystaý jáne Aqtóbe oblystary aýyl sharýashylyǵy ónimderiniń jármeńkeleri ótýde

Mańǵystaý oblysy jármeńkege 60 tonna aýyl sharýashylyǵy ónimderin ákelip otyr. Onyń ishinde 10 tonna et, 10 tonna balyq, 1 tonna qazaq ulttyq taǵamdary - qurt, balqaımaq, irimshik, 30 tonna kókónis jáne 9 tonna sút pen qyshqyl sút ónimderi bar.

Sondaı-aq, búgin QR Ulttyq kitaphanasynda oblys ákimi Alık Aıdarbaev, QR Parlamenti depýtattary jáne Qazaqstannyń halyq jazýshysy Ábish Kekilbaevtyń qatysýymen «Mańǵystaý aqyn-jazýshylary» atty 50 tomdyq Mańǵystaý aqyndary men jazýshylarynyń úzdik shyǵarmalar jınaǵynyń tusaýkeseri ótedi. 10 qarasha, jeksenbi kúni Kongress- holl saraıynda Mańǵystaý oblysy halyq óneriniń taqyryptyq kórmesi ashylady. Sonymen qatar óńirdiń óner sheberleriniń gala-kontserti bolady.

Al Aqtóbe oblysynan jármeńkege 12 aýdannyń jáne Aqtóbe qalasynyń kásipkerleri qatysýda. Olar Astanaǵa 130 tonna ónim jetkizdi, onyń ishinde 50 tonna et, 12 tonna balyq, 35 tonna kartop pen kókónis, 2 tonna sút taǵamdary, 5 tonna ósimdik maıy, 3 tonna shujyq ónimderi, 5 myń dana jumyrtqa jáne 20 tonna basqa da ónimder bar.

Oblystyń qaıta óńdeý kásiporyndary san alýan ónim túrlerin usynyp otyr. Atap aıtqanda, olar - «Aıs» JShS sút ónimderi, «Ramazan», «Aqtóbe astyq ónimder kombınaty» jáne «Aqtóbe-nan» JShS-niń un, makaron ónimderi, «Stepnoe», «Rokos» JShS-niń shujyqtary. Budan basqa «Ardaǵym» sharýashylyq qojalyǵy bekire tuqymdas tiri balyqtar ákelgen.

Barlyq taýarlardyń baǵasy Astanadaǵy baǵadan 10-20 paıyz tómen.