Elordada Máńgilik el dańǵylyndaǵy velojoldy alyp tastaıdy
ASTANA. QazAqparat – Astanadaǵy Mınıstrlikter úıi mańyndaǵy velosıpedke arnalǵan joldy alyp, jaıaý júrginshiler jáne kólik jolyn keńeıtedi, dep habarlaıdy QazAqparat tilshisi elorda ákimdiginiń baspasóz qyzmetine silteme jasap.
«Esil aýdanynyń ákimdigi bul ýchaskede jaıaý júrginshiler trotýarlaryn keshendi abattandyrý júrgizilip jatqanyn habarlaıdy. Jolaýshylar aǵynynyń joǵary bolýyn, sondaı-aq Máńgilik el dańǵylynyń Qonaev kóshesinen Nurjol býlvaryna deıingi ýchaskesindegi múmkindigi shekteýli azamattardyń qajettiligin eskere otyryp, kósheniń jaıaý júrginshiler bóligin keńeıtý maqsatynda velojoldy bólshekteý týraly sheshim qabyldandy. Buryn trotýardyń eni 50 sm bolatyn, jumys aıaqtalǵannan keıin trotýardyń eni 240 sm bolady», - delingen habarlamada.
Aqparatta aıtylǵandaı, joldyń enin ulǵaıtý jaıaý júrginshilerdiń júrý jaǵdaıyn edáýir jaqsartady.
«Mınıstrlikter úıi jaǵynan dańǵyldyń qarama-qarsy jaǵynda ortalyq saıabaqtan bastap Rysqulov kóshesine deıingi negizgi velojol ornalasqan», - deıdi ákimdikten.
