Elordada Máńgilik el dańǵylyndaǵy ýchaske ýaqytsha jabylady
NUR-SULTAN. QazAqparat - Nur-Sultan qalasy Kólik jáne jol-kólik ınfraqurylymyn damytý basqarmasy elordalyq PD ákimshilik polıtsııa basqarmasymen birlesip, Máńgilik El dańǵylynda jol jóndeý jumystarynyń bastalǵanyn málim etti, dep habarlaıdy QazAqparat qala ákimdiginiń resmı saıtyna silteme jasap.
Osyǵan baılanysty osy jylǵy 15-17 mamyr aralyǵynda Trıýmfaldy arkadan Orynbor kóshesine deıingi ýchaskede avtokólik úshin qozǵalys ishinara jabylatyn bolady. Sondaı-aq, 15 mamyrda Seıfýllın-Aımanov kósheleriniń qıylysyndaǵy jol tósemine jóndeý júrgiziledi. Bul ýchaske tolyǵymen jabylady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵyttaryn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy suraımyz», — delingen vedomstvo habarlamasynda.
