Elordada manekendi «tonap» ketken ury ustaldy
NUR-SULTAN. QazAqparat – Nur-Sultan qalasynyń polıtsııa qyzmetkerleri saýda ornyndaǵy kıimdi manekennen sheship alyp, urlap ketken 33 jastaǵy er adamdy ustady, dep habarlaıdy QazAqparat tilshisi.
Qalalyq polıtsııa departamentiniń málimetinshe, kıim satatyn dúkenniń ókilderi urlyq týraly tártip saqshylaryna habar bergen.
«Belgisiz er adam dúkenniń tusynan ótip bara jatyp, bildirmeı kelip, manekennen er adamnyń kúrtesin, shalbary men jeıdesin alyp ketken. Saýda ıesine 28 500 teńge shyǵyn kelgen», - dep habarlaıdy polıtsııa departamentinen.
Jedel izdestirý sharalary barysynda polıtsııa qyzmetkerleri kúdiktini qolǵa túsirdi. Ol - buryn urlyǵy úshin sotty bolǵan jáne jumys istemeıtin 33 jastaǵy er adam bolyp shyqty. Polıtsııa bólimine jetkizilgen kúdikti aıybyn moıyndaǵan. Dúkennen urlaǵan kıimderin ol satyp úlgeripti.
Qazirgi ýaqytta atalǵan fakt boıynsha Qylmystyq kodekstiń 188-baby (urlyq) boıynsha sotqa deıingi tergeý amaly júrgizilip jatyr. Ustalǵan azamattyń buryn da osyǵan uqsas qylmystarǵa bar-joǵy anyqtalýda.
