Elordada mamyrgúl baǵy paıda bolady
NUR-SULTAN. QazAqparat – Elordadaǵy Trıatlon parkiniń janyndaǵy ýchaskede mamyrgúl kóshetteri otyrǵyzylǵan baq paıda bolady. Bul týraly Ýrbanıstıka ortalyǵynyń basshysy Elnar Bazyken Instagram-da jarııalady, dep habarlaıdy QazAqparat tilshisi.
Mamyrgúldiń 1 myńnan astam kósheti Saraıshyq kóshesi boıynda kópir mańyndaǵy ýchaskede otyrǵyzylady.
«Japondyq sakýra aǵashtaryna bizdiń balama retinde mamyrgúl baǵyn kórsetýge bolady. Japonııada sakýranyń gúldeýi merzimi jyl saıyn atap ótiledi. Jazǵy jańbyrdan keıingi mamyrgúldiń ǵajap ıisin umytý qıyn. Mamyr aıynyń basynda 2021 jyly barsha qalany kógaldandyrý boıynsha jospar aıasynda kóshetterdi jappaı otyrǵyzý bastalady», - dedi Elnar Bazyken.
