Elordada mamyrdyń ekinshi onkúndigi jańbyrly bolady
ASTANA. QazAqparat - Qazgıdrometortalyǵy sınoptıkteriniń boljaýynsha, mamyrdyń ekinshi onkúndiginde elordada ortasha aýa temperatýrasy 15°S quraıdy, bul ádettegi normadan 1°S joǵary (norma: plıýs 14°S).
Al jaýyn-shashynnyń aılyq mólsheri klımattyq norma shamasynda (norma:35 mm) boljanyp otyr. Elordada jańbyrly aýa raıy 13 mamyrda keledi. Bul kúni kóshpeli bult shyǵyp, kúndiz jańbyr jaýady. Soltústik, soltústik-batystan 9-14 m/s jyldamdyqpen jel turady. Aýa temperatýrasy túnde 7-12 gradýs jyly, kúndiz + 22-27 gradýs, dep habarlaıdy qala ákimdiginiń saıty .
14 mamyrda kóshpeli bult shyǵyp, kún kúrkirep, jańbyr jaýady. Ońtústik-batystan jel turady, 9-14 m/s. Aýa temperatýrasy túnde 5-10 gradýs jyly, kúndiz 20-25 gradýs jyly.
15 mamyr kúni de osyndaı aýa raıy boljanyp otyr. Kóshpeli bult shyǵady, kún kúrkirep, jańbyr jaýady. Ońtústik-batystan jel turady, 9-14 m/s. Aýa temperatýrasy túnde 5-10 gradýs jyly, kúndiz 17-22 gradýs jyly.
16 mamyrda qalada nóser jaýady, shyǵystan qatty jel turady, ekpini 9-14 m/s. Aýa temperatýrasy túnde 2-7 gradýs jyly, kúndiz 15-20 gradýs jyly.
17 mamyrda elordada kóshpeli bult shyǵady, jaýyn-shashynsyz. Aýa temperatýrasy tómendeıdi. Túnde 0-5 gradýs jyly, kúndiz 12-17 gradýs jyly.
18-20 mamyr aralyǵynda jańbyrly aýa raıy qaıtalanady. Aýa temperatýrasy túnde 0 gradýs shamasynda, kúndiz +17 gradýsqa deıin kóteriledi. Ońtústik-batystan soqqan jel soltústik-batysqa aýysady, 9-14 m/s.
21- 24 mamyr aralyǵyndaǵy kezeńde qalada jaýyn-shashynsyz, aýa temperatýrasy 22 gradýsqa deıin ysıdy.
Alaıda 25 - 31 mamyr aralyǵynda jańbyr jaýyp, jeldiń kúshi 15-20 m/s deıin jetedi. Aýa temperatýrasy túnde 6-11 gradýs jyly, kúndiz 20-25 gradýs jyly.
Elorda ákimdigi jaýyn-shashynǵa baılanysty qalanyń kommýnaldyq qyzmetteri kúsheıtilgen rejimge kóshirilip, sý tasqyndaryna qarsy sharalar júrgiziletindigin eskertedi. Azamattardyń ótinishterin qabyldaý úshin qalalyq 109 qyzmetimen birge úsh aýdanda halyqtan ótinishter qabyldaıtyn dıspetcherlik qyzmetter qurylady: «Almaty» aýdany 48-43-37, «Esil» aýdany 48-43-26, «Saryarqa» aýdany 48-43-92, tótenshe jaǵdaılar kezinde 54-58-19,38-57-09 nómerlerimen ortalyq dıspetcherlik qyzmetke habarlasýǵa bolady.
