Elordada mamyrdyń 4-inde jylý berý maýsymy aıaqtalady
NUR-SULTAN. QazAqparat - Elordada mamyrdyń 4-inen bastap jylý berilmeıdi. Bul týraly qala ákiminiń orynbasary Arman Turlybek apparat májilisinde aıtty dep habarlaıdy QazAqparat Elorda Info saıtyna silteme jasap.
Onyń sózinshe, búgingi tańda qalanyń tynys-tirshiligin qamtamasyz etetin nysandardyń barlyǵy talapqa saı jumys istep tur. Qandaı da bir tótenshe jaǵdaı bolǵan joq.
Sonymen qatar ákimniń orynbasary Nur-Sultanda jylý berý maýsymy 2019 jyldyń 4-shi mamyrynda aıaqtalatynyn aıtty.
Májiliste jylytý maýsymyna baılanysty jáıtterden ózge qalanyń sanıtarlyq jaǵdaıy, aýlalardyń qaýipsizdigi, qala aımaqtaryn kóriktendirý sııaqty jáne 2019 jyly ótetin Ulttyq biryǵaı testileýdi uıymdastyrý máseleleri de sóz boldy.
