Elordada MÁMS jarnasyn aýdarýǵa bolatyn termınaldar ornatylady
«Qazir Mindetti áleýmettik saqtandyrý qory emhanalarǵa jarnalardy aýdarý máselesin pysyqtap jatyr. ıAǵnı, kez kelgen azamat emhanaǵa barǵan kezinde aılyq jarnany sol termınal arqyly tóleı alady. Bul termınal ózin ózi jumyspen qamtyǵandarǵa qatysty. Soma – 2250 teńgeni quraıdy», - dedi Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova qoǵamdyq keńes otyrysynda.
Basqarma basshysynyń aıtýyna qaraǵanda, jumys berýshiler men jeke kásipkerler Mindetti áleýmettik saqtandyrý qoryna 26 mlrd teńge aýdarǵan. Bul soma 2017 jyldyń 1 shildesi men 2019 jyldyń 30 qyrkúıegi aralyǵynda jınalyp otyr.
«1 qarashaǵa deıin termınaldar barlyq emhanalarda ornatylady», - dedi ol.
Eske sala ketsek, ótken aıda Sáýle Qısyqova ákimdikte ótken baspasóz máslıhatynda 1 mıllıonnan astam elorda turǵyny MÁMS-ge jarna aýdaryp otyrǵanyn málim etken edi.
