Elordada mamandar balalar arasyndaǵy juqpaly aýrýlar máselesin zerttedi

NUR-SULTAN. QazAqparat - Elordada COVID-19 pandemııasy kezeńindegi balalar ınfektsııalyq patologııasy respýblıkalyq ǵylymı konferentsııa barysynda talqylandy. Jetekshi mamandar balalardaǵy túrli juqpaly patologııalardyń sebepterin jáne osy máselelerdi sheshý joldaryn zerttedi, dep habarlaıdy elorda ákimdiginiń resmı saıty.

Bul konferentsııa bıylǵy balalar jylyna oraılastyrylǵan. Oǵan medıtsınalyq bilim berý mekemeleriniń basshylary, professorlar, ǵylym doktorlary jáne óńirlerden ózge de mamandar qatysty.

Іs-sharaǵa QR Densaýlyq saqtaý mınıstri Ajar Ǵınııat qatysty. Óziniń kirispe sózinde ol balalardyń densaýlyǵyn qorǵaý densaýlyq saqtaý júıesi jumysynyń ózekti jáne mańyzdy baǵyttarynyń biri ekenin atap ótti.

Búgingi tańda áıelder men balalarǵa medıtsınalyq kómektiń sapasyn jaqsartýǵa baǵyttalǵan keshendi sharalardy josparly túrde iske asyrýdyń arqasynda sońǵy onjyldyqta balalar men náresteler ólimi 2 ese tómendedi.

Qalalyq Densaýlyq saqtaý basqarmasynyń basshysy Tımýr Muratov balalardy vaktsınatsııalaý, vırýstyq ınfektsııany dıagnostıkalaý jáne emdeý, eldegi neıroınfektsııa jaǵdaıy jáne t. b. máselelerdi kóterý mańyzdy ekenin atap ótti.

Konferentsııa barysynda COVID-19 pandemııasy aıasynda ınfektsııalyq aýrý saldarynan balalardyń ólimi men múgedektigin azaıtý úshin QR DSM jetekshi mamandary atynan mýltıdıstsıplınarlyq saraptama komıssııasyn qurý týraly usynys aıtyldy. Sondaı-aq ártúrli juqpaly aýrýlarǵa qarsy balalardyń vaktsınalaryn alýdyń mańyzdylyǵy kórsetildi jáne bul máselede ata-analarmen durys qarym-qatynas ornatýdyń mańyzy zor, deıdi sarapshylar.