Elordada mamandandyrylǵan HQKO kólik salyǵy boıynsha qaryzdy tekseredi

ASTANA. QazAqparat - Elordada mamandandyrylǵan HQKO kólik salyǵy boıynsha qaryzdy óz betinshe tekseredi, dep jazady astana.gov.kz.

Elordada Mamandandyrylǵan halyqqa qyzmet kórsetý ortalyǵynyń (HQKO) ınspektorlary júrgizýshilerdiń kólik salyǵy boıynsha qaryzyn óz betinshe tekserý múmkindigine ıe boldy. Buǵan deıin qaryzdyń bar-joǵyn tek salyq departamenti ǵana anyqtap kelgen. Jańashyldyq ortalyq qyzmetkerleri men qala turǵyndary úshin qyzmet kórsetý ýaqytyn aıtarlyqtaı qysqartady. Endi salyqtyń tólengenin rastaý úshin salyq organyna barýdyń qajeti joq. Búginde qyzmet testilik rejımde iske qosyldy.

«Jobany engizýdiń basty maqsaty qyzmet kórsetý ýaqytyn azaıtý jáne sapasyn jaqsartý bolyp tabylady. HQKO ınspektorlary salyq organynyń ıntegratsııalanǵan júıesine qoljetkizdi. Ázirge, joba Astanada ǵana jumys isteıdi. Bolashaqta mamandandyrylǵan HQKO bar basqa qalalarda da iske qosý kózdelgen», - dedi «HQKO» RMK bas dırektory Murat Aıtýǵanov.

Mamandandyrylǵan halyqqa qyzmet kórsetý ortalyǵy 2013 jyly qyrkúıek aıynda óz jumysyn bastady. Osy kúnge deıin ortalyqta 13 myńǵa jýyq júrgizýshi kýáligi berilip, 90 myńǵa jýyq kólik quraly tirkelgen.