Elordada malyn ıesiz jibergen turǵyn jazalandy
Aıta ketsek, buǵan deıin Úrker aýylynda turatyn Áset Bıǵalıev esimdi Facebook qoldanýshysy úıiniń mańyna ylǵı Qaraótkel aýylynan sıyr túsip, baptap ósirilgen kók shópti jep, mańaıdy bylǵap ketetinin jazǵan edi.
Jazba avtory osy shaǵymmen qyzyqty vıdeo da qaldyryp, «iKomek» qyzmetinen kómek suraǵan bolatyn.
Nur-Sultan qalasynyń polıtsııa departamenti maldyń ıesiz jaıylý faktisine baılanysty shara qabyldanǵanyn habarlady.
«Nur-Sultan qalasynyń Esil aýdandyq PD jergilikti polıtsııa qyzmetiniń tabıǵat qorǵaýshy saqshylary Shyǵys Ilınka aýylynyń Dospambet kóshesinde 8 bas sıyrdyń ıesiz jaıylyp júrgenin anyqtady. Jedel sharalardyń arqasynda ol maldyń ıesi tabyldy. Ol Ákimshilik kodekstiń 408-baby boıynsha ákimshilik jaýapkershilikke tartylyp, 3 AEK kóleminde aıyppul salyndy» dep habarlaıdy polıtsııa departamentinen.
Mal ıesine bul jaǵdaıdyń qaıtalanbaýy kerektigi týraly eskertildi.
