Elordada Malahov kóshesi 16 qazanǵa deıin jabyq bolady
ASTANA. QazAqparat - Astana qalasynyń Avtomobıl joldary basqarmasy keptelis týdyrmaý maqsatynda elorda turǵyndary men qonaqtaryna jol qozǵalysy baǵyttaryn aldyn ala josparlaýdy suraıdy, dep habarlaıdy elorda ákimdiginiń medıa ortalyǵy.
Astana qalasynyń Avtomobıl joldary basqarmasy málimdegendeı, avtokólik joldaryn ortasha jóndeý sheńberinde Astananyń E.Dúısenbaev kóshesi men Malahov tuıyq kóshesine deıingi aralyqta jatqan Malahov kóshesinde jóndeý jumystary júrgizilip jatyr. Josparǵa sáıkes jóndeý jumystary 6 qazannan 16-syna deıin jalǵasatyn bolady.
«Osyǵan baılanysty, osy jyldyń qazan aıynyń 6-nan 16-na deıin túngi ýaqytta (23:00-den 6:00-ge deıin) E. Dúısenbaev kóshesi men Malahov tuıyq kóshesiniń aralyǵynda jatqan Malahov kóshesindegi avtokólikterdiń qozǵalysyna ishinara shekteý qoıylady», - dep jazylǵan basqarmanyń habarlamasynda.
