Elordada Magic Astana 2015 II halyqaralyq ıllıýzııa men sıqyr festıvali ótedi
ASTANA. QazAqparat - Shildeniń 5-6 kúnderi elordada Magic Astana 2015 II halyqaralyq ıllıýzııa men sıqyr festıvali ótedi. Ótken jyly atalǵan shara tuńǵysh ret uıymdastyrylyp, kórermenniń laıyqty baǵasyn alǵan edi.
Bıyl Magic Astana álemniń jetekshi sıqyrshylaryn jınap, taǵy da «charodeıler men jádigóılerdiń» tańqalarlyq shoýyn kópshilik nazaryna usynbaq.
Eki kúnge sozylatyn gala-shoý Beıbitshilik jáne kelisim saraıynyń qabyrǵasyn «teńselteri» sózsiz. Óıtkeni onyń shańyraǵynyń astyna jınalatyn ǵajaıyp sheberleri bas aınaldyrar tańqalarlyq qoıylym kórsetedi.
Illıýzıonısterdiń aıtýynsha, olar kórermenderge ár túrli baǵyttaǵy, buryn-sońdy bolmaǵan kórinisterdi daıyndap kelipti.
Ońtústikkoreıalyq An Ha Lim kartalarmen adam sengisiz áreketter jasap, eshkim qaıtalaı almas sıqyr kórsetiledi. Aıta keter bolsaq, An Ha Lim - sıqyrshylar arasyndaǵy 24-shi Dúnıejúzilik chempıonattyń kúmis júldegeri.
Festıvalǵa arnaıy kenepte janatyn boıaý jáne shaǵyn jaryqpen tańqalarlyq kartınalar salatyn japon sýretshisi Jinpei Washiro, «Brıtanııa ışet talanty» shoýynyń fınalısteri, reseılik «ıÝdı» ujymy keledi. Olar 2007 jyly Birinshi arnada ótken «Mınýta slavy» shoýynyń jeńimpazy atanǵan bolatyn.
Osylaısha, ıllıýzııa men sıqyrdyń Magic Astana 2015 festıvali Qazaqstandaǵy eń tańǵajaıyp, umytylmas sharalardyń birine aınalmaq, dep habarlaıdy astana kz.
