Elordada M. Jumabaev kóshesi jóndeý jumystaryna jabylady

ASTANA. KAZINFORM — Bul týraly Astana qalasynyń Kólik jáne jol-kólik ınfraqurylymyn damytý basqarmasy habarlady.

— Qala turǵyndaryn men qonaqtaryn Q. Munaıtpasov kóshesinen B. Momyshuly dańǵylyna deıingi ýchaskede M. Jumabaev kóshesiniń jol jóndeý jumystarynyń júrgiziletini týraly habardar etemiz. Osyǵan baılanysty 11-20 tamyz aralyǵynda kórsetilgen ýchaskede qozǵalys ishinara jabylady. Bul rette avtokólikterdiń qozǵalysy taraptardyń birimen eki baǵytta da uıymdastyrylady. Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz, — delingen basqarma taratqan aqparatta.

Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady. 

Budan buryn Astanada ótetin Jüregımnıñ Jeñımpazy qaıyrymdylyq júgirý marafonyna baılanysty birneshe kóshede kólik qozǵalysy ýaqytsha shekteletini belgili boldy.