Elordada M. Amanbaevtyń Qazaq handyǵynyń 550 jyldyǵyna arnalǵan kórmesi ashyldy (FOTO)
ASTANA. QazAqparat - Búgin Astanadaǵy «Shabyt» shyǵarmashylyq saraıynda sýretshi Manatbek Amanbaevtyń Qazaq handyǵynyń 550 jyldyǵyna arnalǵan «Amanat» kórmesi ashyldy.
«Kórme eki úlken bólimnen turady. Birinshisi - «Dala áýenderi» taqyrybyna arnalsa, ekinshi bólim «Dala atlantıdasy» aýqymdy tsıklmen kópshilik nazaryna usynylyp otyr. Negizinen bunda qazaq tarıhyna baılanysty eńbekterimdi alyp keldim. Sonymen qatar osynda buryndary jasaǵan jumystarymdy da kórsetip otyrmyn. Olar ekologııa, tabıǵat máselelerine arnalǵan», - dedi M. Amanbaev.
Aıty keteıik, kórmege sýretshiniń 40-tan astam eńbegi usynylǵan.
«Osy kórmeni Qazaq handyǵynyń 550 jyldyǵyna arnap otyrmyn. Bul turǵyda amanat retinde jas shákirtterime úlgi bolyp, jastardyń otansúıgishtik sezimin kóterýdi maqsat retinde qoıdym», - dedi ol.
Manatbek Saǵyndyquly grafıka ónerimen shuǵyldanady. QR sýretshiler Odaǵynyń múshesi. Manatbek Amanbaev stanokta jáne lınografıýra men ofort baspa tehnıkasyndaǵy kitap grafıkasynda jumys jasaıdy. Sýretshi óz shyǵarmalarynda kúndelikti ómir men búgingi kúngi mádenı damýdyń ózara áserin qarastyrady. Ǵasyrlar boıy qalyptasqan ómir saltyn buzyp, oılanbaı jasalǵan dala men jartylaı shóleıt jerlerdiń osal ekologııasyna zııan keltiretin icterge nazar aýdaryp, naqtyly tarıhı kezeńderdiń belgilerin berý arqyly óz halqynyń, óz eliniń damýynyń bip júıeli tizbegin jasaıdy. Manatbek Amanbaev jaratylysynan grafık, ol óz kompozıtsııalarynda aq pen qara tústerdiń úılesimdigin taba bilgen.
