Elordadaǵy LRT qurylys nysany aýmaǵynda órt shyqty
ASTANA. KAZINFORM – Tótenshe jaǵdaılar mınıstrliginiń málimetinshe, tilsiz jaý aýyzdyqtaldy, zardap shekkender joq.
Qabanbaı batyr dańǵyly boıynda, LRT qurylys nysanynda, 15 sharshy metr aýmaqta qurylys qaldyqtary órtendi. Órt sóndirýshilerdiń jedel áreketiniń arqasynda órt aýyzdyqtaldy. Zardap shekkender joq, — delingen habarlamada.
Qazir órttiń sebebi anyqtalyp jatyr.
Aıta ketsek, buǵan deıin elordada avtokólik ıeleri LRT qurylysshylaryna shaǵymdanǵan edi.
Eske salaıyq, bıyl kúzde LRT testilik rejımde iske qosylady dep josparlanǵan.
