Elordada LRT qurylysyna baılanysty Qaldaıaqov kóshesinde qozǵalys ýaqytsha ózgeredi

ASTANA. KAZINFORM – Elordada LRT qurylysy boıynsha jumystardy júrgizý josparyna sáıkes Sh. Qaldaıaqov kóshesinde jol qozǵalysy ýaqytsha ózgertiledi. Bul týraly Astana ákimdiginiń resmı saıty CTS kompanııasyna silteme jasap habarlaıdy.

Ózgeris kestesi tómendegideı:

— 10 sáýirden 25 sáýirge deıin — ınjenerlik jelilerdi qaıta qurý jumystaryn júrgizýge baılanysty Sh.Qaldaıaqov kóshesi boıynsha, Táýelsizdik dańǵylynan J. Nájimedenov kóshesine deıingi ýchaskede qozǵalysty tolyq jabý josparlanyp otyr. 

— 10 sáýirden 10 maýsymǵa deıin — LRT obektisi jolynyń joǵarǵy qurylymynyń elementterin tóseý úshin parapetter men beton negizdi quıý jumystaryn júrgizýge baılanysty J.Nájimedenov kóshesinen (I. Panfılov kóshesi) Arys kópiri baǵytyndaǵy qarsy qozǵalys jolaǵyna shyǵatyn eki jolaqqa deıingi qozǵalystar ishinara shekteledi. Sonymen qatar Syǵanaq kóshesi jaǵynan qozǵalatyn kólik úshin burylý jolaǵyn saqtaı otyryp, Arys kópirinen J.Nájimedenov kóshesi (I.Panfılov kóshesi) baǵytynda bir jolaqqa deıin qysqartý júrgiziledi.

— Ýaqytsha qolaısyzdyqtarǵa túsinistikpen qaraýdy, júrý baǵytyńyzdy aldyn ala josparlaýdy jáne keltirilgen qolaısyzdyq úshin keshirim suraımyz, - dep jazylǵan CTS kompanııasynyń habarlamasynda. 

Eske sala keteıik, buǵan deıin Almatyda Qurmanǵazy kóshesindegi kólik qozǵalysy ýaqytsha shekteletinin habarlaǵan edik.