Elordada lombard tonady degen kúdikpen 26 jastaǵy er adam ustaldy

NUR-SULTAN. QazAqparat – Jedel izdestirý sharalaryn júrgizý kezinde polıtsııa qyzmetkerleri lombardy tonady degen kúdikpen 26 jastaǵy jigitti ustady, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.

Keshki ýaqytta lombardta bolǵan jigit quny 120 myń teńge turatyn altyn saqına satyp alamyn dege jeleýmen ony kórsetýdi ótingeni anyqtaldy. Zergerlik buıymdardy ustap turyp, ol oqıǵa ornynan qashyp ketken. Sodan keıin ol saqınany basqa lombardqa ótkizip jibergen, ony polıtsııa qyzmetkerleri tárkiledi.

Qazirgi ýaqytta ustalǵan azamatqa qatysty sotqa deıingi tergeý amaldary júrip jatyr. Ustalǵan azamat buryn birneshe ret tonaý jáne urlyq jasaǵany úshin sottalǵany anyqtaldy.

Kúdikti óz kinásin moıyndady. Onyń elorda aýmaǵynda buryn jasalǵan osyǵan uqsas qylmystarǵa qatysy bar-joǵy tekserilýde.