Elordada lıftide balany pyshaqtaǵan jasóspirimniń anasy ulyn emdeýden bas tartqan

ASTANA. KAZINFORM – Elordada lıfti ishinde 5 jasar balany pyshaqtaǵan psıhıkalyq aýytqýy bar jasóspirim emdi turaqty qabyldamaǵan. Bul týraly Densaýlyq saqtaý mınıstri Aqmaral Álnazarova málim etti.

- Anasy balasynyń dıagnozyn qabyldaǵysy kelmeı, emdeýden bas tartty. Balada emdeýde úzilister boldy, ol ókinishke qaraı asqynýǵa ákeldi. Sondyqtan qazir emdeýden bas tartqan jaǵdaıda qamqorshylardyń jaýapkershiligin kúsheıtý máselesin qarastyryp jatyrmyz, - dedi Aqmaral Álnazarova Májilis qabyrǵasynda ótken baspasóz máslıhatynda.

Eske sala keteıik, bıyl 11 aqpanda elordada jasóspirim lıfti ishinde balany pyshaqtap tastaǵan edi. Keıin belgili bolǵandaı pyshaqpen shabýyldaǵan jasóspirim arnaıy esepte turǵan. 

Dárigerler zardap shekken balaǵa dereý ota jasap, psıhologııalyq kómek kórsetti. 

Qazir balany pyshaqtaǵan jasóspirim psıhıatrııalyq statsıonarda otyr. 

Densaýlyq saqtaý mınıstriniń orynbasary Erjan Nurlybaev jasóspirimniń ortaǵa beıim jaǵdaıda bolǵanyn aıtty. 

Sondaı-aq keıin anyqtalǵandaı lıftide balany pyshaqtaǵan jasóspirimdi jalǵyzbasty ana tárbıelep otyrǵany belgili boldy. 

Aıta ketsek, elordada kópqabatty turǵyn úılerdiń birinde lıftide balany pyshaqtaǵan jasóspirimniń anasy psıhıkalyq densaýlyq ortalyǵynda ulyn urǵany týraly polıtsııaǵa shaǵym túsirgen edi. 

Keıin Densaýlyq saqtaý mınıstri Aqmaral Álnazarova elordada lıftide balany pyshaqtaǵan jasóspirimdi urdy degen faktige qatysty túsinik berdi. 

Іshki ister mınıstriniń orynbasary lıftide balany pyshaqtaǵan jasóspirimniń isi bir aı ishinde sotqa jiberý josparda baryn aıtty.

Taıaýda ǵana lıftide balany pyshaqtaǵan jasóspirim isine qatysty taǵy bir qylmystyq is qozǵaldy.

Sonymen qatar jaqynda belgili bolǵandaı lıftide pyshaq jaraqatyn alǵan astanalyq bala ońaltýǵa jatqyzylady.