Elordada lıtsenzııalyq ónimdi kontrafaktilik ónimnen aıyrý máselesine baılanysty semınar ótedi
ASTANA. 7 aqpan. QazAqparat - 8-9 aqpanda Qazaqstan Respýblıkasy Ádilet mınıstrliginiń Zııatkerlik menshik quqyǵy komıteti lıtsenzııalyq ónimdi kontrafaktilik ónimnen aıyrý máselesi jóninde oqý semınaryn ótkizedi.
Bul týraly vedomstvonyń baspasóz qyzmetinen málim etti.
Semınar aýmaqtyq ádilet organdarynyń, quqyq qorǵaý jáne keden organdarynyń qyzmetkerleri men sot sarapshylary úshin uıymdastyrylady. Zııatkerlik menshik salasyndaǵy zańnamany odan ári jetildirý boıynsha qabyldanyp jatqan sharalar jáne osy saladaǵy zańnamany saqtaý nysanyna tekserý sharalaryn júrgizýdiń arqasynda elimiz zııatkerlik menshik quqyqtaryn tıimsiz qamtamasyz etetin memleketter tiziminen alyp tastaldy. Sonymen qatar, eger buryn dybystaý, beıneleý ónimderi men baǵdarlamalyq ónimder jasandy jasalsa, qazir azyq-túlik, dári-dármek, avtobólshekter jáne halyq tutynatyn basqa da ónimder de jasandy jasalatynyn atap ótý qajet. Semınar osyndaı ónimderdiń kelýi men taralýynyń jolyn kesýge baǵyttalǵan.
