Elordada Lexus Gazel kóligin búıirinen soǵyp, aýdaryp tastady
NUR-SULTAN. QazAqparat - Elordanyń Respýblıka dańǵylynda Lexus Gazel kóligin búıirinen sońyp, aýdaryp tastady, dep habarlaıdy QazAqparat
Nur-Sultan qalalyq polıtsııa departamentiniń málimetinshe, Gazel kóliginiń júrgizýshisi Respýblıka dańǵylynmen kele jatyp, ońǵa burylý kezinde manevr jasaýdyń qaýipsizdigine kóz jetkizbegen. Sonyń saldarynan BusLane jolaǵymen kele jatqan Lexus kóligi búıirinen kelip soqqan.
«Jol-kólik oqıǵasy kezinde Gazel jolaýshysy men Lexus júrgizýshisi zardap shekti. Olar aýrýhanaǵa jetkizildi. Tergeý júrgizilip jatyr», - dedi departamenttiń baspasóz qyzmetinen.
