Elordada qyzyp alǵan jigit tún ishinde 8 kólikti zaqymdaǵan
ASTANA. QazAqparat - Astanada búgin túngi 03:00 shamasynda 8 avtomashınaǵa zaqym keltirgen kúdikti ustaldy, dep habarlaıdy qalalyq ІІD baspasóz qyzmeti.
«Almaty» aýdanynyń krımınaldyq polıtsııa qyzmetkerleri Málik Ǵabdýllın kóshesi boıyndaǵy úıdiń aýlasynda kólikterdi zaqymdady degen kúdikpen er adamdy aýmaqtyq ІІB-ge jetkizdi.
Atalǵan fakti sotqa deıingi tergep-tekserýdiń biryńǵaı tizilimine tirkeldi jáne QR QK 293-baby boıynsha (buzaqylyq) tekserý júrgizilýde. Kúdikti ustalǵan kezde mas bolǵan.
Tergeý barysynda Ońtústik Qazaqstan oblysynyń 27 jastaǵy turǵyny dostarynyń úıinde qonaqta bolyp, ishimdik ishkenin, sodan keıin aýlaǵa shyǵyp, turaqtaǵy avtomashınalardyń keıbiriniń shynysyn syndyryp, endi biriniń esigin maıystyrǵanyn aıtty.
Qazirgi kezde azamattardan aryzdar kelip túsýde.
