Elordada qyzmettik ıttiń kómegimen qaraqshylyq jasaǵandar «izi sýymaı» ustaldy
ASTANA. 6 aqpan. QazAqparat - Astana qalasy ishki ister departamenti Saryarqa aýdanynyń ІІB-ne qaraqshylyq shabýyl jóninde aqparat kelip tústi, dep habarlandy qalalyq ІІD-niń baspasóz qyzmetinen.
Jábir kórgen jekemenshik taksı júrgizýshisiniń sózine qaraǵanda, eki jas jigit kólikpen kerek jerlerine jetkizip salýdy suraǵan. Suraǵan meken-jaıyna kelgen jigitter júrgizýshige pyshaqpen qoqan-loqy kórsete otyryp, ústindegi bas kıimin jáne ámııanyn tartyp alǵan. Buzaqylar birden izderin sýytyp kete bergen.
Jábirlenýshi birden polıtsııaǵa shaǵymdanǵan. Oqıǵa ornyna avtopatrýl, qyzmettik ıtpen birge kınolog shyqqan.
Saryarqa aýdanyna qarasty ІІB-niń qyzmetkerleri úıdi tintý kezinde urlanǵan zattardy anyqtady. Ustalǵan jigitter tergeý barysynda óz kinálaryn moıyndady.
Atalǵan faktimen QR QK-niń 178 baby, 2 bólimi boıynsha qylmystyq is qozǵaldy. Olar Astana qalasy ІІD-niń ýaqytsha oqshaýlaý abaqtysyna qamaldy. Tergeý amaldary júrgizilýde.
