Elordada «Qyz Jibektiń» premerasy ótedi
NUR-SULTAN. QazAqparat - Elordadaǵy Nomad teatrynda 1-2 aqpan kúnderi «Qyz Jibek» lıro-eposynyń premerasy ótedi, dep habarlaıdy QazAqparat teatrdyń baspasóz qyzmetine silteme jasap.
Qoıylymnyń avtory – Júsipbek qoja Shaıhıslamuly, rejısseri – Dına Qunanbaı.
«Qyz Jibek» lıro-epostyq dastany - Tólegen men Qyz Jibektiń adal mahabbatyn áspettegen qazaqtyń jaqut jyrlarynyń biri. Qanshama ǵasyr el jadynda saqtalǵan jyrdyń 16 nusqasy belgili... Júsipbek qoja Shaıhıslamulynyń nusqasy boıynsha sahnalanatyn «Qyz Jibek» lıro-eposynda jyrdy jańasha ınterpretatsııada tamashalaı alasyzdar. Spektaklde keıipkerlerdiń ishki kúıin, jan tebirenisin, sezim ıirimderine burynǵydan tereńirek úńilýge múmkindik týady», - delingen teatr taratqan habarlamada.
Qoıylym avtorlarynyń aıtýynsha, «Qyz Jibek» lıro-eposy burynǵy dástúrli qoıylyp júrgen spektaklderden erekshe bolmaq. Sahnalaný stıli, rejısserlik ózgeshe oqylymy, qoıylymnyń kútpegen sheshimi dastanǵa basqasha kózqaraspen qaraýǵa múmkindik beredi.
Spektaklde S.Seıfýllınniń «Aqqýdyń aıyrylýy» poemasy, kompozıtor Edil Qusaıynovtyń mýzykasy qoldanylady.
