Elordada «Qyz Jibek» spektakliniń jabyq kórsetilimi ótedi
NUR-SULTAN. QazAqparat - 30 qańtar kúni Nur-Sultan qalasynyń Nomad teatrynda BAQ ókilderine «Qyz Jibek» lıro-eposynyń aldyn ala jabyq kórsetilimi ótedi, dep habarlaıdy teatrdyń baspasóz qyzmeti.
«Qyz Jibek» spektaklinde S.Seıfýllınniń «Aqqýdyń aıyrylýy» poemasy, tanymal qazaq aqyndarynyń óleńderi, kompozıtor Edil Qusaıynovtyń mýzykasy qoldanylady.
Qoıylymnyń avtory – Júsipbek qoja Shaıhıslamuly, rejısser – Dına Qunanbaı, sýretshi – Aınur Esbolatova, horeograf - Anna Tsoı, mýzykamen kórkemdegen - Nursultan Tóráli.
« Qyz Jibek « lıro - epostyq dastany - Tólegen men Qyz Jibektiń adal mahabbatyn áspettegen qazaqtyń jaqut jyrlarynyń biri . Qanshama ǵasyr el jadynda saqtalǵan jyrdyń 16 nusqasy belgili . Áli kúnge deıin ózektigin joǵaltpaı kele jatqan týyndynyń syry nede ? Siz ben biz biletin qos ǵashyqtyń qosylmaýyna kináli rasymen de Bekejan ba , álde Bazarbaıdyń óz ulyna bergen teris batasynyń kesiri me ? Júsipbek qoja Shaıhıslamuly «Qyz Jibek» lıro-eposynda jyrdy jańasha ınterpretatsııalaıdy.
Spektaklde keıipkerlerdiń ishki kúıin, jan tebirenisin, sezim ıirimderine buryńǵydan tereńirek úńilýge múmkindik týady.
