Elordada qysqy sporttyq maýsym ashyldy (FOTO)
ASTANA. QazAqparat - Elordada dástúrli shańǵy jarysymen jańa qysqy sporttyq maýsym ashyldy. Búgin 700 astam adam qalalyq parktegi shańǵyrollerlik trassaǵa jınaldy, dep habarlady qalalyq ákimdiktiń baspasóz qyzmetinen.
Sharaǵa nıet bildirgenniń bári qatysty. Sporttyq jarys bolmasa da, keıbir sanattar boıynsha jeńimpazdar anyqtaldy. Atap aıtqanda, kúsh qurylymdarynyń, jalpy bilim beretin mektep oqýshylarynyń, sporttyq mektep oqýshylarynyń, kásipqoılardyń, sondaı-aq, shańǵy áýesqoılarynyń arasynda. Budan basqa dodada 2008 jyly týǵandar men odan kishi balalar da sheberlik baıqasty. Andreı Gerasımenko, mass-start jeńimpazy: - Osyndaı sharalar qajet. Óıtkeni, naq osy sharalarda merekelik atmosfera ornaıdy. Adamdar shańǵy teýip úırenedi. Basqa adamdarmen qatynasady, masterlerdiń ónerin tamashalaıdy, olarǵa jetýge tyrysady. Men 2-3 jasymda shańǵy tebe bilgem. Balalarym da biledi. Meni sportqa baýlyǵan ákem, sonyń arqasynda men de sheberligimdi balalaryma úıretýge tyrysamyn. Astanada qysqy sporttyq maýsym alǵashqy buqaralyq shańǵy jarysymen ashyldy. Endi ár apta saıyn demalys kúnderi elordalyq parkte salaýatty ómir saltyn ustanatyn adamdar men taza aýada belsendi demalýdy unatatyndar arasynda shańǵy sportynan jarystar uıymdastyrylatyn bolady.
