Elordada qyrǵyz sýretshisiniń jeke kórmesi ashylady
ASTANA. QazAqparat - Astanada belgili qyrǵyz sýretshisi Dıas Ústemirovtyń «Kóshpendiniń jany men qanaty» atty jeke kórmesi ashylady.
Elorda turǵyndary men qonaqtary maýsym aıynyń sońyna deıin D.Ústemirovtyń 60 jýyq eńbegi týyndylarymen tanysa alady. Mádenı shara «Ramada Plaza» ǵımaratynda ornalasqan «Shejire» galereıasynda ótedi, dep habarlaıdy elorda ákimdiginiń resmı saıtynda. Sýretshi Dıas Ústemirov V.I.Sýrıkov atyndaǵy Máskeý memlekettik akademııalyq kórkemsýret ınstıtýtyn qondyrǵyly kórkemsýret fakýlteti boıynsha bitirgen. Búginde onyń týyndylary AQSh, Kanada, Frantsııa, Anglııa, Germanııa, Japonııa, Qytaı, Túrkııa, Malaızııa, Avstralııa syndy kóptegen memleketterde jeke kollektsııalarda saqtalýda. Aıta keteıik, kórme 10 maýsym kúni saǵat 18.30-da «Shejire» galereıasynda ashylady.
