Elordada qylmystyń 41% urlyq jasaýmen baılanysty
«Bıyl elordada bolǵan jalpy qylmystyń 41 paıyzy urlyq jasaý. Urlyqty azaıtyp, azamattardyń jeke múlkin saqtaý, qorǵaý maqsatynda qala ákimdigi men polıtsııa departamenti birlesip jeke múlikti qorǵaýdyń 2021-2023 jyldarǵa arnalǵan baǵdarlamasy bekitildi. Atalǵan baǵdarlama 6 taraý, 47 tarmaqtan turady. Bul baǵdarlamanyń ereksheligi men basty mindeti – azamattardyń múlkin qorǵaý. Buǵan deıin baǵdarlama «Múlik urlyǵyna qarsy kúres» dep atalǵan. Endigi ýaqytta bizdiń departament urlyqtyń aldyn alý maqsatynda profılaktıka sharasyna asa mán berip otyr. ıAǵnı múlik urlyǵynyń bolǵanyn kútip otyrmaı, onyń aldyn alý, eskertý mańyzdy», - dedi Nur-Sultan qalasy polıtsııa departamenti Esil aýdany polıtsııa basqarmasy krımınaldyq polıtsııa bóliminiń basshysy, polıtsııa maıory, Samǵat Tynyshev BAQ-qa arnalǵan brıfıngte.
Onyń aıtýynsha, múlikti qorǵaýdyń 2021-2023 jyldarǵa arnalǵan baǵdarlama aıasynda jergilikti organdarmen birlesip jumys isteý qarastyrylǵan.
«Baǵdarlamada urlyqtyń aldyn alýdan bólek, bolǵan urlyqtyń mán-jaıyn ashyp, kinálini tabýǵa qatysty sharalar qaralǵan. Atalǵan baǵdarlamany iske asyrý aıasynda qala aýmaǵynda 27 beınebaqylaý kamerasy ornatyldy. Onyń ishinde jedel basqarý ortalyǵyna qarasty 1585 beınebaqylaý kamera bar. Sonymen qatar 13 myń «Sergek» kamerasy jumys istep tur. Beınebaqylaý kamerlarynyń kóptep qoıylýy urlyqtyń aldyn alý men faktini ashýda taptyrmas kómek quraly», - deıdi ol.