Elordada qylmyskerler «Sergek» kameralarynyń akkýmýlıatoryn urlap kelgen

Nur-Sultan qalalyq Polıtsııa departamentinen málim etkendeı, Astrahan tasjoly boıynda ornalasqan «Sergek» apparattyq-baǵdarlamalyq kesheninen belgisiz tulǵalar birneshe ret akkýmýlıator batareıalaryn urlaǵan. Bul, vıdeobaqylaý kameralarynyń isten shyǵýy alyp kelgen.

«7 tamyz – 16 jeltoqsan aralyǵynda qylmyskerler osyndaı 4 urlyq deregin jasady. Shuǵyl-izdestirý sharalaryn ótkizý kezinde shuǵyl qyzmetkerler A.Hamıdýllaev pen J.Nuralyuly kúdiktilerdiń izine túsip, kezekti qylmystary barysynda ustady.

Tergeý aıasynda anyqtalǵandaı, qylmyskerler urlanǵan qurylǵyny metall qabyldaý pýnkterine tapsyryp kelgen.

Ustalǵandar qylmystaryn moıyndady. Qoldy bolǵan akkýmýlıator batareıalary ıelerine qaıtaryldy», - delingen PD aqparatynda.

Osy oraıda, «Capital City Center» JShS astana polıtsııasynyń basshylyǵy atyna hat jazyp, alǵys bildirgen.

«Polıtsııa qyzmetkerleri «Sergek» ABK-dan jasalǵan urlyq derekteriniń serııasyn ashty. Bul, «Sergek» ABK-nyń vıdeobaqylaý kameralarymen foto,-vıdeotirkeýdi úzdiksiz júrgizýge múmkindik berdi», - delingen kompanııa basshysynyń hatynda.