Elordada qylmysker bos seıfti urlap ketken
NUR-SULTAN. QazAqparat – Elordada jıhaz jasaıtyn tsehtyń ákimshisi seıf urlanǵany jóninde polıtsııaǵa shaǵymdanǵan, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
Belgisiz bireý esiktiń qulpyna kilt sáıkestendirip tseh ǵımaratynyń ishine kirip, baǵasy 50 myń teńge turatyn seıfti urlap ketken. Jábirlenýshiniń aıtýynsha, urlanǵan seıftiń ishinde aqsha bolmaǵan. Tek qana qujattar saqtalǵan.
«Polıtsııa qyzmetkerleri kúdiktini ustap, anyqtady. Ol buryn sottalǵan 32 jastaǵy qala turǵyny bolyp shyqty. Ustalǵan adamnyń aıtýynsha, ol tsehqa kirip, ishinde aqsha bar dep oılap seıfti urlap ketken. Alaıda úıine kelip ashqan kezde onyń ishinde túk te bolmaǵan. Polıtsııa qyzmetkerleri seıfti tárkilep, ıesine qaıtardy», delingen habarlamada.
Baspasóz qyzmetiniń málimetinshe, osy fakti boıynsha sotqa deıingi tergep-tekserý júrgizilip jatyr. Ustalǵan adamnyń buryn elorda aýmaǵynda jasalǵan osyǵan uqsas qylmystarǵa qatysty bar-joǵy tekserilip jatyr.
Polıtsııa turǵyndarǵa baǵaly zattaryn qaraýsyz qaldyrmaýdy suraıdy, sondaı-aq shaǵyn jáne orta bıznes obektilerine kúzet dabylyn ornatýdy usynady.
