Elordada qylmys jasap, qashyp júrgen adam ShQO-da ustaldy

ÓSKEMEN. QazAqparat – Nur-Sultan qalasynda qylmys jasap qashyp júrgen er adam Shyǵys Qazaqstan oblysynda ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary ótken jyldyń qarasha aıynda elordadaǵy qonaq úı nómirleriniń birinen qomaqty aqsha urlaǵan er adamdy Serebrıansk qalasynan quryqtady.

Semeıdiń 38 jastaǵy turǵyny bir jylǵa jýyq quqyq qorǵaý organdarynan qashyp júrgen. Belgili bolǵandaı, ol qylmystyq jaýapkershilikten qutylý úshin Shyǵys Qazaqstannyń birneshe aýdanynda jasyrynyp keldi.

«Qazirgi ýaqytta er adam ýaqytsha ustaý ızolıatoryna qamaýǵa alyndy. Nur-Sultan qalasyna jiberilgennen keıin oǵan qatysty sotqa deıingi tergeý amaldary júrgiziledi», - dedi oblystyq PD bastyǵy Saǵat Mádıev.