Elordada qylmys 33% deıin tómendedi
ASTANA. QazAqparat - Astana qalasynda qylmys deńgeıi 33% deıin tómendegen, dep habarlaıdy elorda ákimdiginiń baspasóz qyzmeti.
«Jalpy krımınogendi ahýal boıynsha qylmystyń tómendegeni baıqalady. Ótken aptada 559 qylmys tirkeldi, bul aldyńǵy aptamen salystyrǵanda 44 ese az jáne ótken jylǵa qaraǵanda 328 esege azaıǵan», - dedi Astana qalalyq ІІD basshysy Marat Qojaev elorda ákimdiginiń apparat jıynynda.
Onyń aıtýynsha, osy toqsanda qylmys 33%-ǵa azaıǵan. Ótken aptada kisi ólimi tirkelgen joq. Іzi sýyp úlgermegen 87 qylmys ashyldy, burynyraq jasalǵany - 75, ótken jyly - 13. Sot pen tergeý amaldarynan qashyp júrgen 14 qylmysker ustaldy, iz-túzsiz joǵalǵan alty tulǵa tabyldy, 27 adam ýaqytsha tergeý ızolıatoryna qamaldy.
Beınebaqylaý kamerasynyń kómegimen 16 qylmys pen 1 369 ákimshilik quqyq buzýshylyq anyqtaldy.
«Nóldik tózimdilik» boıynsha quqyq buzýshylyq jumystary jalǵasýda. 990 ákimshilik quqyq búzýshylyq anyqtaldy, onyń 91-i - usaq buzaqylyq, 51 - tynyshtyqty buzý, 241 - alkogoldi ishimdik ishý jáne qoǵamdyq oryndarda masań kúıde júrý, 107 - bekitilmegen oryndarda temeki shegý, 424 - abattandyrý erejesin buzý, 76 - bekitilmegen oryndarda saýda jasaý.
Sondaı-aq qalada tazalaý jáne tártip jumystary da júrgizilýde. 51 ShOB basshysy 1 358 825 teńge somasynda ákimshilik jaýapkershilikke tartyldy, 4 merdiger mekeme 156 325 teńge somasynda, 2 qurylys mekemesiniń basshysy 36 075 teńge aıyppul tóledi.
Al jol qozǵalysy qaýipsizdigi salasynda 6 mln 081 myń 042 teńge somasynda 1480 ákimshilik quqyq buzýshylyq anyqtalyp, joly kesildi.
Ótken aptada 8 JKO (2017 j. - 21) tirkeldi, nátıjesinde 8 adam (2017 jyly - 18) túrli dene jaraqatyn alǵan, qaza bolǵandar joq (2017 jyly - 3 adam).
Sonymen qatar, zańsyz kóshi-qonnyń da aldyn alýda.
Ótken aptada myńnan astam sheteldik ákimshilik jaýapkershilikke tartyldy, onyń 233-i sottyń tártibimen elden shyǵaryldy.
Beı-bereket saýda oryndaryn tekserý barysynda (Qoshqarbaev terrıtorııasyna qaraıtyn Sharyn, Shanhaı bazary, «Artem» t.b.) 59 sheteldik anyqtaldy, olardyń kóshi-qon zańyn buzǵany úshin elde bolý merzimderi qysqartyldy.
Sheteldik jumys kúshin paıdalaný jáne tartý erejesin buzǵany úshin 48 jumys berýshi ákimshilik jaýapkershilikke tartyldy.
