Elordada KVI juqtyrǵan júkti áıelder bosanatyn jeke perzenthana ashylady
NUR-SULTAN. QazAqparat – Elordada koronavırýs juqtyrǵan analar 17 náresteni dúnıege ákeldi. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova málim etti, dep habarlaıdy QazAqparat tilshisi.
«Qazirge deıin qalanyń ınfektsııalyq statsıonarlarynda koronavırýs juqtyrǵan analar 17 náresteni dúnıege ákeldi. Jalpy, Nur-Sultan qalasynda ınfektsııaǵa shaldyqqan 112 júkti áıel tirkeldi. Onyń ishinde statsıonarlarda 78 júkti áıel bar», - dedi S. Qısyqova Ortalyq kommýnıkatsııalar qyzmetinde.
Sonymen qatar, qazirgi jaǵdaıǵa baılanysty atqarylyp jatqan sharalarǵa toqtaldy.
«Qazirgi kezde jumyldyrylǵan statsıonarlar sany 10-ǵa jetti. Qosymsha provızorlyq statsıonarlardaǵy oryndar sany 300-den 705-ke deıin jetkizildi. Búgin jumys kúni aıaqtalǵanǵa deıin bólek perzenthanyny nemese COVID-perınataldyq ortalyqty ashý kózdelgen. ıAǵnı, osy is qaıta beıindeý esebinen júzege asyrylady», - dedi Sáýle Qısyqova.
